Tu, iò e a bicicletta

I fimmini (intese come mamme, sorelle apprensive)

dovrebbero stare alla larga dalle gare in bicicletta.

Da questo “suggerimento” del presidente Cambria nasce, nel 1994,

questa canzone.

Ritornano in mente mitiche uscite in bicicletta, ore ed ore

in compagnia a pedalare, chiacchierare e fantasticare.

In questa canzone mi abbandono alla fantasia:

una illustre corsa, la fuga, una sicura vittoria che svanisce

fra i rovi prima e, in ospedale dopo… con “battuta” finale.

 Clicca sul link seguente per ascoltare la canzone:

https://soundcloud.com/francofama/tu-io-e-a-bicicletta

Tu, iò e a bicicletta

                                                                                 (la- re- mi7 la-)

C’era na vota, ora non c’è chiù,                  (la- re- mi7 la-)

na bicicletta e c’eri tu.                                          (re- mi7 la-)

Iò ma cattai u 29 di aprili                                            (re- la-)

Quannu era ancora chiossà i centu chili             (mi7 la-)

Dopu dù ionna pu primu di maggiu                         (re- la-)

Pani e caroti e mi misi in viaggiu, in viaggiu.     (mi7 la-)

     E ntà chianata comu mi laniava                    (re- mi7 la-)

     Ma poi ntà scinnuta paria chi svulava,       (re- mi7 la-)

    Chi svulava                                                   (mi7 la-)  (fischio)

-Non ci la faci! Na viditi ch’è russu?

Na para i metri e c’è prontu lu fossu-

Chistu dicia cu mi vidia passari

Ma iò na smittia di pidaliari

Puru si l’autri mi lassaunu arreti

Mai mi ricoddu chi ma fici a pedi, a pedi.

     Ora è scuru si na nau u iornu

     Ora è taddu e a casa mi ni tornu, mi ni tonnu.  (fischio)

Dopu tri misi di forti allenamentu

Dissi ntà mia curriduri mi sentu

Mi prisintai a na cussa gluriusa

Pattia i Milazzu e rivava a Giusa

Ogni paisi poi c’erunu traguardi

Polli e buttighi e non cettu i miliardi, i miliardi.

     Don Micu dissi pi fari na cussa bona

     Tu a stari in gruppu finu a Baccialona, a Baccialona.    (fischio)

E quanta genti spittava a Faccuni

Com’era chinu tuttu u straduni

E ntà nchianata chi potta o Tunnaru

Puru i Liviroti mi ncuraggiaru

E fattu stà chi cu tri, quattru scatti

Iò passai sulu o traguardu di Patti, di Patti

     Sini u chiù forti, mi pari un rilogiu

     Dissi don Micu fra l’applausi i San Giorgiu, San Giorgiu.  (fischio)

E ntà la stada chi bacia lu mari

Pinsava chiù nuddu mi poti ‘rivari

Quannu sintì ch’aumintava u vantaggiu

Dissi mi godu a spiaggia e u paisaggiu

Mentri friscava e lungava lu coddu

Chiddu chi visti iò chiù non mu scoddu, non mu scoddu.

     Ah… si era bona e chi minni i fora puru

     E iò pa vaddari ‘rivai rittu ntò muru, rittu ntò muru.         (kazoo)

Rumpì l’ucchiali e strazzai a maglietta,

tuttu scucciatu e quantu spini i ruvetta

 e mi passaru puru i chiù scarranchi

mentri a mia nterra mi duliunu i cianchi.

E ntò spidali persinu a capusala

Mi cunsulava e mittia la pala

Ma o cettu puntu spireru i nfirmeri

 E comu un cifuru ‘rivò me muggheri, me muggheri.

     E a gilusia non vadda mancu o duluri

     E corpa mi ni detti di tutti li culuri, di tutti i culuri

                          Ahi… ahi… ahi  (kazoo) ahi  mammi… ahi

 E non vi pinsati chi su notuli o chianu

O brodu i pagghia chi coci ntò tianu

Cettu stà storia vi pari fantasia

Ma dumannatici a Micu Cambria

Si ci parrati di fimmini e cussi

Dici eni megghiu si non ci ni fussi,si non ci ni fussi.

     Ora dà strada, dà cussa ancora mi nsonnu

     Ma eni taddu e a casa mi ni tonnu,

     Ma eni taddu e a casa mi ni tonnu, mi ni tonnu.

                 Di ri di ri, di ri di ri, diri diri diri dà          (fischio)

(1994)