Casanova

Casanova, un "bel" personaggio: trattasi di Pippo Lipari


Clicca sul link seguente per ascoltare la canzone:

Casanova


CASANOVA 

                                               (re- la7 re- la re- la re-) (fischio)

 Ntà strada di ritornu di San Peri                  (re la7)
ca machina chi pari di pumperi                    (re)
alleggiu, alleggiu scinni a deci all'ura          (sol- re-)
ca facci già lavata di sudura                          (la7 re-)

 Parissi chi avi a ghiri a travagghiari
cu sonnu chi lu voli drummintari
ma veni rittu, rittu da Siberia
a unni si patti ricchi e si tonna in miseria

 E unu vaci e l'autru veni                               (re- sol- re-)
e lu biccheri a mani teni                               (la re-)
E unu vaci e l'autru veni
e lu biccheri a mani teni

Di fimmineddi fussi la furtuna (re)
mi maritassi tutti a una a una
viotri siti inveci a me ruvina
ca scusa di li fraschi mi inchiti i bicchirina

 E unu vaci e l'autru veni
e lu biccheri sempri c'eni
E unu vaci e l'autru veni
e lu biccheri sempri c'eni                              (fischio)-

 Malidittu quannu vinni pi Faccuni
viotri eru già pronti cu buduni
cu pisci cottu supra la tarigghia
mi trovu cundannatu cu st'autra famigghia

 E unu vaci e l'autru veni
e lu biccheri sempri c'eni
E unu vaci e l'autru veni
e lu biccheri sempri c'eni

 Ma picchì, ma picchì                                     (re- la re-)
ma picchì, ma picchì
mittitivi viotri ntè me causi
si mbivi cu la musica e l'applausi
mittitivi viotri ntè me causi

 Ca scusa di Maria e di Pippina
si tonna a csa chi eni già matina
comu s'avissi fattu u turnu i notti
inveci sugnu chinu sulu i vinu forti

 E unu vaci e l'autru veni
e lu biccheri sempri c'eni
E unu vaci e l'autru veni
e lu biccheri sempri c'eni

 E chista eni a storia i Casanova
chi si 'nsignò a mbiviri e a sucari l'ova
e quannu non po’ veniri a Faccuni
su cala a Patti stissu a mucciuni

 E unu vaci e l'autru veni
e lu biccheri a mani teni
E unu vaci e l'autru veni
e lu biccheri a mani teni

Ma picchì, ma picchì
ma picchì, ma picchì
mittitivi viotri ntè me causi
si mbivi cu la musica e l'applausi
mittitivi viotri ntè me causi